Patay ang kanhing Municipal Councilor sa Palimbang, Sultan Kudarat atol sa pinakabagong shooting incident nga nahitabo sa General Santos City.
Giila sa General Santos City Police Office ang biktima nga si Ibrahim Kadil Sabiwang, 53-anyos, residente sa Isabela Homes, Barangay San Isidro, diin gipusil sa riding-in-tandem suspects, takna alas-4:30 sa hapon, sa bahin sa Nuñez Street sa maong barangay.
Subay sa inisyal nga imbestigasyon, samtang naka-park ang sakyanan sa biktima daplin sa dalan, kalit nga miduol ang mga suspeks dayon sa maong pagpamusil.
Gisuwayan pa nga matabang sa ospital si Sabiwang, apan gideklara kining dead on arrival sa mga doktor.
Narekober sa crime scene ang 11 ka basiyo sa bala sa kalibre 45 nga pusil, asa gituhuang gigamit sa mga suspeks. (John Rey Somido)
