Bilang ng naisagawang COVID-19 tests ng DOH aabot na sa 85K

Umabot na sa halos 85,000 coronavirus disease 2019 (COVID-19) test ang naisagawa ng Department of Health (DOH).

Ayon kay Health Undersecretary Maria Rosario Vergeire, mula sa naturang bilang ay mahigit 74,000 ang nag negatibo sa virus habang aabot sa 8,000 naman ang nagpositibo.

Aniya, kabilang na dito ang 1,336 na health workers na nahawaan ng COVID-19.

Dahil dito, nagbukas ang ahensya ng halos 1,000 slots para sa mga medical workers sa lalong madaling panahon upang sumabak sa gyera kontra COVID-19.