Bilang ng mga Pinoy na positibo sa COVID-19 sa abroad nadagdagan

Nadagdagan pa ang bilang ng mga Filipino sa labas ng bansa na nagpopositibo sa coronavirus disease (COVID-19).

Batay sa pinakahuling ulat ng Dept. of Foreign Affairs (DFA), dalawang Overseas Filipino Workers (OFW) mula sa Brunei at India ang nagpositibo sa COVID-19.

Tiniyak naman ng DFA na patuloy silang nakikipag-ugnayan sa mga otoridad mula sa dalawang bansa para matiyak ang kalagayan ng mga naturang OFW.

Sa ngayon nasa higit 100 Filipino na sa labas ng bansa ang nagpositibo sa virus.