Bawas presyo sa produktong petrolyo muling magpapatupad

Magpapatupad ng panibagong tapyas presyo sa mga produktong petrolyo ang mga kumpanya ng langis epektibo 6:00 ng umaga bukas.

Batay sa abiso ng ilang mga kumpanya ng langis, 70 sentimos kada litro ang magiging rollback sa presyo ng diesel.

Habang 35 sentimos kada litro naman sa gasolina.

Magkakaroon din ng 75 sentimos kada litrong bawas sa kerosene.

Magugunitang sa buwan lamang ng Marso, umabot na sa P12 at 10 centavos kada litro ang naitapyas sa gasolina, P8 at 85 centavos kada litro sa diesel at P12 at 65 centavos kada litro sa kerosene.