Nagkaguliyang ang mga tindero ug tindera sa sulod sa Gensan Public market human nga adunay batang masuso ang gibilin sa sulod sa CR sa maong palengke alas 4:00 pasado ang takna sa hapon kagahapong adlawa hulyo 23, 2021.
Naabtan sa mga CSU ang bata nga naghilak ug nangita sa iyang inahan. Wala usab may nakita ang mga tindero ug tidera kon kinsa ulahing misulod ug migawas sa CR. Sa facebook post ni brgy. Dadiangas south Kapitan Eliseo Garay, makita ang batang lalaki nga grabe ang hilak human nga gidala sa mga taga social worker sa ilang brgy. Hall aron painumon ug gatas ug gipalitan usab ug diaper.
Makita dinhi nga nagsige ug hilak ang bata ug gilitok ang pulong nga mama. Sa karon anaa na sa pag atiman sa DSWD ang maong bata.
Samtang gipanawagan usab ang inahan niini nga walay kalooy nga mibilin sa maong bata nga mopatim aw na aron wala siya atubangon nga asunto. (John Rey Somido)