General Santos City – Sikop sa managlahing drug operation ang duha ka kanhing PNP member. Unang nasikop sa kapulisan sa Makar police station si Oliver Cablitas kanhing myembro sa PNP ug residente sa Doñ Soledad Brgy. Labagal ning syudad.
Sumala pa ni PMaj. Patrich Elma ang labaw sa makar PNP nga dugay na matud pa kini nila nga namonitor nga mibalik sa pagbaligya ug droga human usab kining masikop kaniadtu sa susamang kaso usab. Napalit gikan sa nasangpit ang usa ka sachet sa gituhuang shabu nga nagkantidad ug 500 ka pesos.
Samtang nabawi usab sa nasangpit ang 500 pesos nga buybust money. Nahitabo ang operasyon alas 10:00 pasado ang takna sa gabie hulyo 23 ,2021.
Sa pikas bahin, sa follow up operation sikop usab sa kapulisan sa Lagao police station ang usa ka Genovivo Abapo. Kanhing PNP member usab. Kung asa napalit usab kaniya ang usa ka sachet sa gituhuang shabu ug nabawi usab ang 500 pesos nga buybust money.
Dugang pa ni Maj. Elma nga magkaila matud pa ang doruha ka mga kanhing pulis. Kung kahibaloan ang si Oliver Calblitas ang bana sa usa ka myembro Sa Media nga si Marites Cablitas nga usa sa namatay sa maguindanao masaker niadtung Nobyembre 23,2009.
Sa pagkaron balhog na ang mga nasangpit sa selda sa lagao police station ug makar police station kung asa giandam na sa kapulisan ang kasong pagsupak sa Sec.5 sa Art. II sa R.A 9165 kon Comprehensive Dangerous Drugs Act of 2002 batok sa mga nasangpit.
(John Rey Somido)