Impasingked ni Gob. Mathew Marcos Manotoc nga agtultuloy iti trabaho dagiti Barangay Ranger Officers wenno BRO nga immunan nga innala ti gobierno probinsial a mangkita iti pannakatagiben dagiti mula iti kabanbantayan ken kabakiran.
Daytoy ket kalpasan nga inteden ni Gobernador Marcos iti suweldo dagiti BRO iti ili a Bangui, Pagudpud ken iti ili a Pasuquin a naisayangkat ti distribution iti Davila Covered Court iti Barangay Davila, Pasuquin.
Umabut amin iti 79 dagiti recipients nga immawat iti tallo ribu a pisos ti tunggal maysa. Nagyamanan met ti gobernador dagitoy gapu iti inpaay da a serbisio wenno panagtrabaho.
Mamngnamnama ti gobernador iti agtultuloy a napintas a pannakikammayet iti gobierno probinsial ken pannakipartisipar kadagiti programa ti probinsia. Impasigurado ni Gobernador Marcos Manotoc nga adda laeng daytoy a mangkitkita iti pagsayaatan dagiti kailian nangruna ti pannakaipaay iti temporary a pagsapulan dagiti awanan iti panggedan.
Kabayatan na, naragsakan kagiddan iti panagyaman dagiti immawat ti suweldo da ken ni Gobernador Marcos Manotoc gapu ta adda iti nayon nga igatang da ti kasapulan iti inaldaw aldaw a panagbiag. (Cita Macalipis)
(Source: Provincial Government of Ilocos Norte)