Masirsirmata ni Gobernador Matthew Marcos Manotoc a maalay ayan ton ti narikot a trapiko iti paset na ti Nangalisan ken iti Laoag City apaman a maipasdek ti San Nicolas-Laoag bypass road, dayaen ti Gilbert Bridge.
Inbatad ti gobernador a napinpintas metten dagiti kalsada nga agturong iti lugar a pakaipasdekan ti maikatlo a rangtay a manamnama nga mangalay ay iti narikot a trapiko iti sango ti dakkel a Mall iti San Nicolas ken ti paset na iti Nangalisan.
Immunan nga impakaammo ti DPWH a ti maipasdek a nasurok a 12 a kilometro ti kaatiddog na a San Nicolas-Laoag bypass road ket pakabusbusan iri agarup 2.42 bilyon a pisos.
Kuna ti gobernador a dyatoy ket proyekto ti Dept. of Public Works and Highways.
Inbatadna a napunduan manen daytoy babaen iti gobierno nasional tapno maitultuloy iti pannakaipasdek na.
Adda metten dagiti naipasdek a dadakkel a poste na a pundasion ti maararamid a maikatlo a rangtay iti dayaen ti Gilbert Bridge. (Rod Sadian)
(Source: Provincial Government of Ilocos Norte)