Naawaten ni Punong Barangay Jojie Jimenez iti Poblacion, Burgos Ilocos Norte ti kiniddaw na ken ni Gob. Mathew Marcos Manotoc.
Immun una ngem iti daytoy, kiniddAw ni Jimenez ken ni Gob. Marcos Manotoc ti tulong ken supurta ti probinsia iti programa ti barangay da a BESt wenno Basura Exchange School Tiangge.
Insigida met nga inaprobaran daytoy ti gobernador a nangiyawatan nan iti checke nga agpateg iti 10 ribu a pisos kas naipalaon iti letter request. Kagiddan daytoy, inpeksa ti Punong Barangay iti nalaus a panagyaman na iti biang ti gobernador iti alisto a pangaprobar na ti kiddawna.
Segun ken ni Jimenez, iyad adu nan ton ti agkiddaw ken ni Gob Marcos Manotoc gapu ta maibasar kenkuana ket bassit unay ti kiniddaw na a pundo, Naamuan a 10 ribu a pisos laeng ti inbaga na ken ni Gob. Marcos Manotoc a nayon nga igatang da kadagiti grocery items para iti BEST wenno Basura Exchange School Tiangge.
Innayon ti Punong Barangay a kasapulan nga adu latta ti grocery items a pangsukat kadagiti maurnong a basura dagiti kabarangayan da a mabalin a ma-recycle babaen iti programa a BEST on Wheels iti Brgy. Poblacion, Burgos Ilocos Norte. (Rodrigo Sadian)
(Source: Provincial Government of Ilocos Norte)
