Masirsirmatan iti pannakaipasdek ti Ilocos Norte United Muslim Association wenno INUMA a Multi-Purpose building iti INUMA Farm ti ciudad ti Laoag. Daytoy ket kalpasan a napirmaanen ti Tripartite Agreement it nagbabaetan ti Provincial Government of Ilocos Norte, gobierno iti ciudad ti laoag ken ti llocoa Norte United Muslim Association para ti konstruksion its Multi-Purpose Building.
Nagyamanan met ti gobernador iti lIocos Norte United Muslim Association iti nabara a panangsarabo da kenkuana ken manamnama a daytoy ti rug iti napintas a panagkadua ken ipaay a tulong ti probinsia kadakuada.
Inbagian ni Gob. Mathew Marcos Manotoc ti gobierno probinsial, idinto a ni Mayor Michael Keon t gobierno iti ciudad ti Laoag ken ti pannakabagi ti asosasion ti INUMA iti pannakapirma ti nadakamat a katulagan.
Kunana a napintas ken apagisu unay ti nasao a proyekto tapno adda iti pagyanan ken agserbi pay a Womens center, Senior Citizen center ken maikkan iti computer para kadagiti estudiante ken micro small businesses a makasapu iti equipment.
Ti nasao a proyekto ken napunduan iti uppat a mulyon a pisos. Impasigurado met iti ama ti probinsia a ti panagballaigi da iti napalabas nga eleksion ket panangabak met ti INUMA ken ti sibubukel a probinsia nga Ilocos Norte. (Rodrigo Sadian)
(Source: Provincial Government of Ilocos Norte)
