Giusa usa ni Mayor-elect Lorelie Pacquiao ang iyang mga himuon sa paglingkod sa posisyon karong Hulyo 1 human ang oathtaking Martes, June 28 sa hapon sa Lagao gymnasium.
Sa pagpamulong niini human manumpa, isentro matud pa niini ang pagtutok sa tanang plano alang sa pagpalambo sa kinabuhi sa katawhan.
Magkugi matud pa kini sa pagpangimbita og mga investors nga magbubo og mga proyekto sa GenSan aron maangkon ang kalambuan.
Nakasentro usab daw matud pa ang iyang pagdumala sa syudad sa prinsipyo nga “gobyernong malinis, pag-unlad ay mabilis”
Lakip usab sa unang tutukan nga paningkamutang mabutang sa alert level 1 ang GenSan aron makabalik na sa normal nga kalibutan samtang gipatuman ang hugot nga health protocols.
Patas-on usab ang vaccination rate ug mamugna og one stop shop building aron nga may adtoan ang mga katawhan nga manginahanglan og medical ug pinansyal.
Samtang giawhag niini ang labaw sa kapulisan sa GenSan ug JTF GenSan nga pakusgon ang presensya sa kadalanan aron mapugngan ang kriminalidad tungod andam siya nga mosuporta sa pangihananglanon sa mga nahisgutan.
Mugnaon usab niini ang volunteers’ group batok krimen ug himuong limpyo, presentable, epektibo ang serbisyo sa public market, palambuon ang tourism spots, padak-an ang sanitary landfill ug maayong panginabuhian sa tanan. (John Rey Somido)