Nasurok a 500 a mangngalap iti Munisipio ti Currimao ti nakaawat iti fishing paraphernalia a naited babaen iti Local Government Unit (LGU) Fund. Segun kenni Mayor Quilala, daytoy a programa ket mangipakita iti panagkumit ti lokal a gobierno a mangsuporta iti sektor ti panagkalap babaen iti panangipaay kadagiti kagamitan a makatulong iti panagbiag ken panagtrabaho dagiti mangngalap. Babaen iti daytoy a gannuat, agtultuloy ti Gobierno Munisipal ti Currimao a mangpabileg iti panagbiag dagiti mangngalap ken mangipaay iti programa a makatulong iti komunidad. By: Niña Tabilos