Sabali manen a taraken a kalding ti inbunong ni Gobernador Mathew Marcos Manotoc iti Barangay San Mateo covered court Batac City a nagtitipunan dagiti nagbalin a recipients iti maikadua a distrito. Kadua met ti gobernador ni Bise Gobernador Cecil Araneta Marcos ken dagiti dadumma pay nga opisial ti probinsia ken iti Batac City. Presente met ni Provincial Veterinarian Dr. Loida Valenzuela ken dadduma pay a municipal Agriculturist kabayatan iti distribusion.
Agarup 201 a kalding ken 50 a burias nga adda pasurot na a feeds ti naibunong kadagiti naapektaran ti taraken na 1 napalabas a bagyo Egay itay napan a tawen. Karaman kadagiti immawat iti taraken a kalding ket taga San Nicolas, Nueva Era, Marcos, Dingras, Solsona, Currimao, Pinili, Badoc ken Paoay Naipaayan met iti 15 a piglets ken adda pasurot na a feeds ti Rural Improvement Club iti Dingras. Nagyamanan met ti gobernador iti biang ti Dept. of Agriculture a nangted iti pundo ken tulong iti probinsia. Inrakurak ti gobernador a 915 a ribu a pisos manipud iti gobierno probinsial ti Ilocos Norte idinto a 9.2 a milyon a pisos ket manipud met iti Dept. of Agriculture region One .