Batac: Modular Tents a nakiddaw ni Cong. Fam iti DSWD naiyawat iti PGIN

0
1

Ensigida a pinatgan ti Department of Social Welfare and Development ti limapulo a Modular Tents ti kiniddaw ni Deputy Majority Leader Ferdinand Alexander “Sandro” A. Marcos III a maipaay iti Ilocos Norte inpaay.

Naiyawat dagitoy kenni Gob. Matthew J. Marcos Manotoc babaen kadagiti kakadua ti diputado iti opisinana kas kada dati a Sanguniang Panglungsod Member Rbee Ablan, Justin Chua pakairamanan Mr. Edwin Carino a dati mangidadaulo iti Sustainable Development Center ti PGIN, a tumultulong iti diputado a mangidanon ti serbisio kadagiti kakailian.

Inpaima met ti gobernador dagiti nasao a Modular Tents iti Provincial Disaster Risk Reduction Management and Resiliency Council nga idadauloan ni Local Disaster Risk Reduction Management Officer Mr. Marcell Tabije.

Impeksana ti napalaus a panagyamanna iti diputado a kasinsinna nga agtultuloy a tumultulong a mangkita iti pannakaipaay iti pagkasapulan dagiti kakailian.

Kabayatanna, inlawlawag ni Tabije a nakadakdakkel a tulong dagiti nasao a tents a sindadaan a maipaay kadagiti agkasapulan a Local Government Units ditoy probinsia. (Irene Ringor)

(Source: Provincial Government of Ilocos Norte)

LEAVE A REPLY

Please enter your comment!
Please enter your name here