30.9 C
Manila
Friday, March 29, 2024

Cagayan de Oro: Mga sidewalk vendors kinahanglan mosunod sa mga gabayan sa syudad

- Advertisement -

Hugtanon nga giaghat sa Night Market Team sa pagpangulo ni Mayor Rolando `Klarex’ Uy ang mga sidewalk vendors nga sundon ang mga gabayan nga ipatuman sa syudad atol sa gipahigayon nga duha ka adlaw nga orientation.

Pipila sa mga mahinungdanong gabayan nga kinahanglan sundon mao ang:

  1. Hipuson sa mga vendors ang ilang basura ug limpiyohan ang ilang puwesto sa dili pa mohawa.
  2.  Kinahanglan saluron ug dili ipanghulog sa dalan ang mga panit sa balut, kwek-kwek, tuhog sa barbeque, ug uban pang basura.
  3. Saluron ang used oil ug sawsawan ug dili isablig sa dalan; ug
  4. Magbutang usab og matting.
  5. Ang mga vendors nga dili manglimpyo pag-abot sa alas singko sa buntag ma-disqualify sa pagpamaligya.
  6. Mag-obserbar sa CLAYGO kon Clean As You Go.
  7. Walay menor de edad nga ipatrabaho, gawas kung motabang sa ginikanan nga namaligya.
  8. Gidid-an ang pagsugal, pag-inom sa ilimnong makahubog, gawas lang sa mga alacart.
  9. Gidili usab ang ‘illegal connection’ sa kuryente, ug ang pagpangihi bisan asa.
  10.  Kadto lang adunay identification card ang makapamaligya sa bag-ong puwesto nga gihatag kanila sa syudad.
  11. Didto lang sa puwesto diin na-assign magbaligya.
  12. Magbayad og sukay nga ₱ 5 matag metro kwadrado matag adlaw
  13. Susihon sa syudad pinaagi sa City Finance ang mga timbangan pagsiguro nga insakto kini ug dili malimbungan ang mga mamalitay.

Gipasabot ni Atty. Jose Edgardo Uy, miyembro sa Night Market Team ug head sa IEC and guidelines planning for sidewalk vending, nga ang mosupak sa mga gabayan isyuhan og OVR kon Ordinance Violation Receipt, ingon man ma-disqualify. (ALR-CIO, photo courtesy by Jomar Figuracion-CIO)

(Source: Cagayan de Oro City Information Office Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -