Bimmisita ni Mayor Shiella A. Galano iti Paoay East Central Elementary School tapno personal nga kitaen dagiti agad-adal a nakaenrol iti Special Needs Education (SNED) Program bayat nga opisial a nangrugi ti klase para iti baro nga akademiko a tawen.
Kabayatan ti panagbisitana, nangbusbos ni Mayor Galano iti panawen a kadua dagiti agad-adal iti SNED, mangisursuro, ken dagiti kameng ti pagadalan, nga inyebkasna ti suportana iti inclusive ken de kalidad nga edukasion a mangipasigurado a tunggal ubing ket addaan iti gundaway nga agsursuro, dumakkel, ken agballigi uray ania ti kabaelanda.
Pinasingkedan manen ni Mayor Galano ti panagkumit ti Gobierno Munisipal ti Paoay a mangsuporta kadagiti programa ken gannuat a mangitandudo iti inclusive education ken mangparnuay kadagiti gundaway a pakaikkan iti pannakabalin ti tunggal agad-adal a mangragpat iti naan-anay a potensialda. By: Niña Tabilos