Arestado sa gipahigayon nga buy-bust operation sa kapulisan ang usa ka 44 anyos nga Lalaki, mga alas 9:15 ang takna sa gabii Enero 6,2025,didto sa Purok 7, Barangay Biasong, ning dakbayan sa Dipolog Zamboanga del Norte.
Naila ang dinakpan nga usa ka Street level individual (SLI) 44 anyos ,Lalaki kinsa gidakop tungod sa pagpayuhot sa ginadili nga drugas.
Nasikop kini sa hiniusang pwersa sa mga personahe sa Dipolog City Police Station Special Drugs Enforcement Team (SDET), RDEU 9 ug ZN PDEA 9.
Atol sa operasyon, nakumpiska gikan sa posesyon ug kontrol sa suspek mao ang usa ka small-sized heat-sealed transparent plastic sachet nga adunay sulod nga white crystalline granules nga gituohang “shabu” isip ebidensya sa buy-bust, usa ka large-sized nga heat-sealed transparent plastic sachet, ug upat ka gagmay nga big-sized heat-sealed transparent plastic sachets nga adunay sulod nga puti nga crystalline granules.
Usa ka 1,000-peso bill nga gigamit isip buy-bust money, usa ka gamay nga chrome container nga adunay nakuha nga shabu, usa ka blue nga Honor Brand nga cellphone nga adunay SIM card, usa ka 20-pesos nga sinsilyo, usa ka gamay nga bukas nga plastic sachet, ug usa ka asul nga disposable lighter.
Gibana-bana nga mukabat sa 4 ka gramo ang maong drugas ug adunay street value nga P22,200.
Ang mga nakumpiska nga drug items ang gi-turn over sa Zamboanga del Norte Provincial Forensic Unit alang sa eksaminasyon, samtang ang dinakpan anaa na sa kustodiya sa Dipolog CPS alang sa tukmang disposasyon. (Medalyn U. Borja)
Source: ZNPPO