Pannaka akumudar dagiti dadakkel nga eroplano ti kaibatugan iti category 9 a plano a pagbalinan ti Laoag International Airport kadagiti masungsungad nga aldaw nga immunan nga inrakurak ni Gob.Mathew Marcos Manotoc
Segun ken LIA General Manager Mr. Ronald Estavillo, ti Laoag International Airport ket adda pay 1laeng iti category 7 a dagiti laeng air bus 320 ken air bus 321 ti kabaelan na nga kumudaren.
Dagitoy laeng ket iti Manila direct flight to Laoag ken dagiti Regional flight kas iti China ken Hongkong nga us usaren ti Phil. Airlines.
Kunana a no mapagbalin a category 9 iti level ti LIA, dumakkel met ti maakumudarna nga aircraft kas iti air bus 330 ken mabalin to payen iti international flights a kas iti kalikagum ni Gob. Marcos Manotoc.
Inlawlawag ni Mr. Estavillo a no dakdakkel nga eroplano, kasapulan met ti ad adu a tao a fire fighter ken dadakkel a fire truck. Kuna pay ti General Manager ti LIA nga apaman a makumpleto ti pannakapadur as na, manamnama nga addan to payen dagiti aglanding nga eroplano iti laoag international airport nga aggapu idiay Honolulu.
Karaman iti pannakapadur as ti erupuerto ket iti run way tapno nalawlawa iti pagpuligusan dagiti dadakkel nga eroplano
Iti agdama, manarimaanen iti pannaka pannakapabaro ti Laoag International airport kalpasan nga immunan nga impasigurado ni Secretary Art Tugade iti Dept. of Transportation ken ni Gob. Marcos Manotoc ken manamnama a maileplas kadagiti masungsungad a bulan.
Author: Irene Ringor
Source: PGIN
