Inawat dagiti grupo ti public transportation ti Ilocos Norte ti pannakaibangon ti PHP380-milion a moderno a public transportation hub iti Barangay 5 iti San Pedro iti siudad ti Laoag, a kunkunada nga agresulta daytoy iti ad-adda nga organisado a sistema ti transportasion.
Kinuna ni Jonathan Pascua, presidente ti New Bacarreños Transport Corporation, a segseggaanda ti operasion ti transportation hub, nangrugi ti pannakaibangonna idi napan a Pebrero 2 ken ar-aramiden ti Department of Transportation (DOTr).
Segun met kenni Atty. Athena Nicolette Pilar, acting General Manager ti Metro Ilocos Norte Konseho, Apaman a ma-operate, manamnama a magunggonaan ti proyekto ti dandani 5,000 a public transport groups a pakairamanan dagiti drivers ken operators ti 1,203 a jeepney, agarup 300 a bus, 24 a taksi ken 3,232 a traysikel a maabangan.
Dinisenio ti nalatak nga arkitekto nga Ilokano a ni Felino Palafox, ti transportation hub ket maysa a mixed-used commercial establishment nga addaan kadagiti opisina ti gobierno, eco-friendly spaces, commercials spaces, roof garden ken terminal para kadagiti bus, jeepney, taksi ken traysikel.
(April Joyce Gonzales)
(Source: Provincial Government of Ilocos Norte)