Un miembro de un grupo de criminal quien listao como numero 10 persona mas buscada el ya aresta el mga autoridad na un operacion de aplicacion de ley aqui na ciudad de Zamboanga, asegun con el policia local del Jueves.
El policia local ya nombra con el arestao persona mas buscada como si Madjabal Lawaan alias Berjabal Lawaan, 36 años el edad y residente de Barangay Puliran, Sibuco, Zamboanga del Norte.
Asegun con el policia, con Lawaan ya aresta na un operacion de aplicacion de ley por medio de implementacion de un order de aresto mga alas 8:24 del Miercoles denoche na Barangay Putik, en este ciudad.
Asegun con el policia, si Lawaan tiene pendiente orden de aresto por el crimen de robo sin piansa que ya dale el un corte local del Noviembre 13, 2019.
El policia local ya habla, si Lawaan, quien listao como numero 10 persona mas buscada, es un sigidores de Norjan Sandag, un lider del grupo de criminal con coneccion na grupo del Abu Sayyaf.
Asegun con el policia, el grupo de Sandag envuelto na diferenete atrocidad como secuestra-con-escate, robo, matansa, extorcion, y emboscada.
(B. Garcia)