El policia na provincia de Basilan ya recivi mga nuevo equipajes y otro galamiton desde’l mando del policia na region autonomo.
Si Police Brigadier General Allan Nobleza, el Director del policia na region autonomo, personalmente ya distribui con el mga equipos y galamiton del Martes.
El distribucion ya hace na quartel del mando del policia provincial del Basilan na Barangay Menzi, ciudad de Isabela, Basilan.
Con el mga equipajes y galamiton ya recivi si Police Colonel Carlos Madronio, el director del policia na provincia.
El mga equipajes y galamiton que ya distribui si Nobleza con el policia na Basilan ta inclui dos vehiculos, 25 rifles, y 33 par de capote.
El mga vehiculos, armas, y otro galamiton es un manifetacion de verdad servicio y ay servi con noble objetivo de mantencion de paz y orden, mejora el movilidad, hora de respondida y en general eficiencia na acomplisimiento del obligacion.
(B. Garcia, photo courtesy of Police Regional Office-Bangsamoro Autonomous Region)