Agarup 10.5 milyon pesos amin ti balor dagiti naibunong nga agricultural inputs, equipment, ken machineries iti “Agri Ka Dito” program ti gobierno probinsial nga indaulwan ni Gob. Mathew Marcos Manotoc kadagiti bénepiciaries iti Ilocos Norte Agriculture and Fisheries Extension Center in Laoag City.
Presente met da Atty. Pancho Jose, chief of staff ni Gob. Marcos Manotoc, Engr. Teresa Bacnat iti Provincial Agriculture Office, Dr. Loida Valenzuela iti Provincial Veterinary Office, Ms Luz Ortal iti Sustainable Development Center, Provincial Social Welfare and Development officer Mrs. Lilian Rin ken ni Sang. Panlalawigan Member ken Chairman iti Committee on Agriculture Hon. Jonathan Toralba.
625 a mannalon ken 9 nga association ditoy Ilocos Norte dagiti kaudian a benepisiaryo iti nasao a programa.
Dagitoy ket manipud iti ilia Bacarra , Bangui, Burgos, Pagudpud, Laoag City, Pasuquin, Piddig, Sarrat, San Nicolas, Solsona, Batac City, Banna. Currimao, Marcos, Paoay, Pinili, Vintar, Badoc, Vintar ken iti ili a Dingras.
Maibilang kadagiti naibunong ket nagduduma a vegetable seeds, fertilizers, pestisidio, fingerlings ken food packs manipud iti gobierno probinsial.
Inbatad ti gobernador a nangipaay pay ti probinsig babaen met iti Provincial Veterinary Office iti piglets, chicken ken feeds. k cA Kunana nga adda met iti inted ti Dept. of Agriculture a high value crops para kadagiti mannalon ditoy probinsia.
Daytoy ket supurta pay laeng ti probinsia kadagiti mannalon ken dagiti agmulmula ti tabako nangruna ket dakkel ti perdision da gapu pay laeng iti idadalapus ti bagyo neneng a dandanin 200 a milyon a pisos ti balor dagiti nadadael a mula dagiti mannalon.
Gapu iti daytoy, kuna na a kasapulan ti panagkakammayet ken panagtitinnulong tapno masupurtaran dagiti mannalon, fisherfolks ken livestock growers.
Nagyamanan met ti gobernador iti ipapaay a supurta ti opisina ni congressman Sandro Marcos ken Congressman Angelo Marcos Barba. (Irene Ringor)
(Source: Provincial Government of Ilocos Norte)