Itungtungpal laeng ni Gobernador Matthew Marcos Manotoc iti nagbalin a kari ni DSWD Secretary Rex Gatchalian nga amin a pamilia a nakaro a naapektaran iti bagyo Goring ket maipaayan iti dakdakkel a tulong.
Daytoy ti inbatad ti gobernador kabayatan iti distribution ti emergency cash transfer wenno ECT iti Baranggay Tabug, Batac City.
Segun iti gobernador, 13, 500 pesos ti maipaay kadagiti totally damaged ti pagtaenganna idinto a 9,000 pesos dagiti partially damaged.
Segun pay kenkuana, manayunan pay daytoy gapu ta adda pay ti ited a tulong manipud iti National Housing Authority ken Dept. of Housing Settlements and Urban Development wenno DHSUD.
Nasurok a 2.2 milyon a pisos ti naibunong manen ti gobernador nga ECT kadagiti nagbalin a benepisiario iti suidad ti Batac.
Agarup 252 dagiti immawat iti nasao a tulong.
Nagbalin met a supurtado dagiti opisiales iti Batac City ti panangidaulo ni Mayor Albert Chua ken ni Gobernador Marcos Manotoc kabayatan iti distribution gapu ta present amin dagitoy.
(Rod Sadian)
(Source: Provincial Government of Ilocos Norte)