32.7 C
Manila
Sunday, April 21, 2024

Batac: Finalists ti 2024 “Tan-ok Film Fest,” maipabuya iti pagsinean

- Advertisement -

Maipabuya iti pagsinean iti Robinsons Malls Ilocos ti ili a San Nicolas dagiti finalists iti Tan-ok ni Ilocano Film Festival iti masungad a Marso 9 ken 10 ken intuno Marso 16 ken 17.

Segun kenni Mr. Xavier Ruiz, Officer-in-Charge ti Ilocos Norte Tourism Office, intultuloy ti Provincial Government of Ilocos Norte babaen iti opisinada ti nasao nga aktibidad gapu ta nakitada a dakkel daytoy nga oportunidad para kadagiti “young creatives” kangrunaanna iti pannakaiyammo ti kultura ken tawid iti kapututanni Ilokano.

Maipalagip a nairubuat ti nasao nga aktibidad bayat ti kangitingitan ti pandemia iti gagem a matulungan dagiti “young creatives” ditoy probinsia.

Inlawlawagna a nakasentro ti estoria dagiti naaramid a pelikula ita a tawen pakaseknan iti “livelihood” wenno pamastrekan dagiti Ilokano.

Inlawlawagda a nadumaduma nakaisentroan dagiti estoria manipud iti kataltalonan, baybay, panagaramid ti nadumaduma a produkto ken dadduma pay.

Maibilang ditoy dagiti pelikula a “Dagiti Babbai ken Dagiti Atang” ni Melver Ritz Gomez; “Larawang Hindi Kupas” ni Jericho John Angeles; “Los Mandayas babaen” ni Jhayzen Paranal; “Pamanang Alat” ni Kyle Daniel Bolusan; “Panag-anop” ni Luck Jazper Quemquem; “Tabako” ni Ryan Angelo Ugalde; “Tagapulot” ni Joel Manuel; “The Art of Farewell” ni Edsel Harry Turda, ken ti “Where the River Meets the Sea” ni Jeisther Timothy Galano.

Dagiti nasao a siyam a finalists ti mangiparangarang iti kababalin dagiti Ilokano a nabinggasan iti tured, kinamanangipateg ken saan nga agkupas a panagayat iti kultura ken kadagiti pada nga Ilokano. (Irene Ringor)

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -