32.7 C
Manila
Sunday, April 21, 2024

Zamboanga: 2 arestao, P13.6-millon shabu ya confisca

- Advertisement -

Dos personas de alto perfil el ya aresta y valor de P13.6 millon droga ilegal el ya confisca mga autoridad durante un campaña contra droga aqui na ciudad, asegun con el Philippine Drug Enforcement Agency (PDEA) del Lunes.

Asegun con Maharani Gadaoni-Tosoc, el director regional del PDEA, con el dos arestao suspechao ya conose como canda Amil Khan Abubasar, 26 años el edad, y si Muhajiran Jumlah, 27, ambos mga nativos de Jolo, Sulu y presentamente mga residentes del Barangay Tulungatung, en este ciudad.

Asegun con Gadaoni-Tosoc con el dos suspechao ya aresta na un “buy-bust operation” mga alas 6:35 del Sabado denoche na estacionamiento de un establisimiento de refresco na Avenida Vitaliano Agan, Barangay Camino Nuevo, en este ciudad.

Asegun con Gadaoni-Tosoc, ya puede confisca na posesion de canda Abubar y Jumlah dos kilos de suspechao shabu que tiene el valor de P13.6 millon, un motorciclo, un celpon, 19 balutan de P1,000 “boodle money”, y un real P1,000 como markao dinero.

Con el dos suspechao ya detene en preparacion para el plantada del asunto contra canila dos por violacion del Comprehensive Dangerous Drugs Act of 2002. (B. Garcia, photo courtesy of PDEA-9)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -