Nagmalampuson ang gihimo na buy-bust operation sa Police Regional Office 7 diin nikabat sa PhP68,000,000.00 millionana shabu ang ilang nasakmit.
Ang maong buy-bust didto kini nahitabo sa A. Soriano St., Barangay Carreta, dakbayan sa Sugbo, kaganihang buntag, Marso 4, 2024.
Ang mga suspetsado giila sa kapulisan na sila si Jaime Auxtero Dajao, 47 anyos ang panuigon, target sa maong operation ug ang iyang igsuon na si Roberto Dajao, 53 anyos ang pangidaron, pulos sila residente sa Purok 2, Barangay Tanghalige, lungsod sa Talibon, Bohol.
Nikabat sa napulo ka kilo sa mga binultong shabu ang nakuha sa ilang position lakip ang mga drug paraphernalia sa mga sakop sa Regional Police Drug Enforcement Unit 7.
Matod sa PRO-7 na ang duha ka mga suspetsado pulos mga high profile na maka dispose og 10 hnagtod 20 kilograms sa ginadiling drugas sa mga lugar sa Cebu City, Mandaue City, Lapu-Lapu City, ug ubang bahin sa probinsya sa Sugbo.
“This arrest sends a clear message that we will continue to be relentless in tracking the flow of these illegal drugs throughout the region pursuant to the BIDA Program of SILG Atty. Benjamin Abalos Jr. and the 5-Focused Agenda of the PNP,” Matod sa PRO-7.
Sa pagkakaron gihimo pa ang dugang inbestigasyon aron pagsuta kung si kinsa ang tig supply sa ginadiling drugas sa mga dinakpan samtang giandam na usab ang tukmang kaso batok kanila. (Renante Lada, photo courtesy of PRO-7)