Batac: Career guidance advocacy program, inyuswat ti gobierno probinsial para kadagiti agad-adal

0
140

Naisayangkat idi kalman ti “My Skills in my Future, Career Guidance Advocacy Program” iti gymnasium ti Ilocos Norte National High School.

Visit RPN DZRL Batac

Paset daytoy iti napinget a kalikagum ni Gob. Matthew J. Marcos Manotoc a matulungan dagiti estudiante nga agsagana iti mabalin nga iseserrekda iti pagtrabahoan iti masangoanan.

Kabinnulig ti gobierno probinsial babaen iti Provincial Public Employment Service Office nga idadauloan ni Mrs. Ann Marie Lizette B. Atuan dagiti nagdumaduma a pagadalan ditoy probinsia kas iti Northwestern, DCCP, NCC, DOLE, STI, AMA, MMSU, DWCL and TESDA

Inbunannagna a naan-anay ti suportana iti nasao a programa gapu ta mamati a dakkel a makatulong daytoy kadagiti agtutubo ditoy probinsia.

Kagiddan daytoy, impadanon ti gobernador ti napalaus a panagyamanna kadagiti kabinbinnuliog ti gobierno probinsial tapno maisagana a naimbag dagiti agtutubo ket maaddaanda ti maiyannatop a pagtrabahoan.

Inlawlawag ni Gob. Marcos Manotoc a nasken nga ita ta nasapa pay ket maammoanen dagiti agad-adal no ania dagiti maiyallubog a trabaho para kadakuada tapno mapnek ken agbalinda a naragsak iti trabaho a pilienda iti masangoanan.

Naammoan a kangrunaan a nagatendar iti nasao a programa dagiti agad-adal nga adda iti senior high school wenno Grade XI ken Grade XII. (Irene Ringor)

(Source: Provincial Government of Ilocos Norte)

LEAVE A REPLY

Please enter your comment!
Please enter your name here