Apresiaren ni Sang. Panlalawigan Member Domingo Ambrocio Jr. iti kalikagum ti Hog Raisers Association and Cooperative a gunglo dagiti agtartaraken iti baboy kangrunaanna daigit backyard fattening a pannaka-accredited ti association.
Kunana a napintas iti gagem ti association a maaddaan ti natibker nga organisasion tapno magun-od dagiti napipintas a proyekto nga ipaay ti gobierno probinsial kadagiti backyard fattening a kalikagum ni Gob. Matthew Marcos Manotoc.
Immune-una ngem iti daytoy, inaprobaran dagiti kameng ti junta probinsial ti inisponsoran a resolusion ni bokal Ambrocio a pannaka-accredit ti Unified Ilocos Norte Hog Raiser Agriculture Cooperative.
Gapu iti dayoty, sinaludaran ni bokal Ambrocio ti nasao nga organisasion gapu ta makita da a dakkel a tulong daytoy kadagiti agtartaraken iti baboy a mangbukbukel iti nadakamat a kooperatiba.
Nagyamananna met ni Ms. Donna Domingo a taga Laoag City Presidente ken ni Mr. Oscar Diza a bise president ken taga Surong, Valley Vintar a nangbuangay ti kooperatiba tapno matulungan ken maipaayan iti pagsayaatan dagiti agtartaraken iti baboy.
Mamati iti chairman ti committee on agriculture a dakkel met maitulong ti nasao nga assosasion ditoy probinsia gapu ta mabalin da a kontrolen ti panagngato iti presyo ti liveweight no bilang ngumato iti presyo ti karne ti baboy gapu iti kaadu ti tarakenda a dingwen.
Author: Rod Sadian
Source: PGIN