CAGAYAN DE ORO – Moabot sa 1.2 milyones ka pesos nga kantidad sa mga vegetable seedlings ang itunol ngadto sa mga mag-uuma sa Misamis Oriental samtang nagpadayon pa ang general community quarantine sa probinsya. Ang pagmando ni Governor Bambi Emano sa maong distribusyon gituhuan nga makatabang sa mga mag-uuma sa pagpadayon sa ilang panghinabuhi ug makapauswag sa ilang kinitaan.
Ang matag pakete sa seedling nga ilang gipanghatag, adunay okra, talong, kalabasa, string beans ug ampalaya. Nasayran nga ang Provicial Agriculture Office o PAGRO gitakda nga moapod-apod sa lima ka libong pakete ngadto sa lima ka libo usab nga mga mag-uuma sa probinsya.
Sa pagkutlo ning maong report, aduna nay mga mag-uuma nga nahatagan sa Tagoloan, Villanueva, Jasaan ug Sugbongcogon.
