Cebu City – Nakamugna og pipila ka landslide ug flash flood sa bukirang mga barangay sa dakbayan sa Sugbo ang pagbunok sa uwan kagahapon sa udto.
Mao kinigitug-an ni Ramil Ayuman, officer-in-charge sa CDRRMO o City Disaster Risk Reduction Management Office pinaagi sa Facebook.
Nahitabo ang pagdahili sa yuta sa Sitio Kabarang, Brgy. Sapangdako ug sa Sitio Maling, Brgy. Babag nga miangol saduha ka tawo.
Segun sa report sa CDRRMO, nagpadadayon silag ambulansiya sa lugar aron pag-atiman ug pagdasa ospital sa mga samaron.
Nagpadausab ang CDRRMO og quick response team sa nahisgotang dapit.
Ang mga responders sa CDRRMO nakaluwas usab og 3 anyos nga batang lalaki sa Sitio Maling, Brgy. Babag nga hapit mabanlas sa baha.
Nasayran nga ang Phil. Atmospheric Geophysical & Astronomical Services Administration o Pagasa Mactan miisyo og thunderstorm warning sa tibuok dakbayan ug kasikbit nga mga dapit nianang alas 11:16 sa udto.
Nagpasabot kini nga posibleng mag-uwan sa mosunod nga duha ka oras.
(Jhon Tadlip/JTY, photo courtesy of Cebu City Disaster Risk Reduction Management Office (CCDRRMO))
(Source: Cebu City Disaster Risk Reduction Management Office)