Cebu City – Dul-an sa duha ka milyon ka estudyante nga na enrol sav mga tunghaang publiko sa Central Visayas ang gipaabot mobalik sa klase karong adlawa isip unang adlaw sa tuig tingtungha 2020 ngadto sa 2021.
Suma pa sa Department of Education o DepEd 7, tungod sa epekto sa coronavirus, mas daghang tinun-an ang nalista sa publikong tunghaan kon itandi sa pribadong eskuylahan.
Nahinabi sa media, si Director Salustiano Jimenez miingon nga ang ahensiya mireport og 110 porsyentong achievement rate sa ilang target enrollees sa public school.
Ang DepEd 7 nagtinguhang maka enrol hangtod sa 1.7 milyon ka estudyante sa kasamtangang academic year.
Pero hangtod sa Setyembre 30, ang mga tinun-an ngana lista sa mga tunghaan sa gobyerno sa rehiyon 7 mitungtongnasa1.9 milyon.
Apan, fraction lang ning maong gidaghanon ang nalista sa pribadong mga tunghaan.
Hinuon, dili na face-to-face ang klase sa mga tunghaan karon kon dili pinaagi na sa module ug sa online o internet. (Jhon Tadlip/JTY, photo courtesy of Iris Mae Sumaya)
(Source: Department of Education VII)