(Baguio City-Tabuk City Kalinga) Dahil sa mahigpit na kampanya ng Philippine National Police kontra sa illegal na druga, ang Pulis ng Kalinga Police Provincial Office (PPO) ay nakadiskubre at nanunog ng may kabuang halaga ng tanim na Marijuana sa probinsiya ng Kalinga. Sa lungsod ng Tabuk, may kabuang 12,000 piraso ng ganap na laking tanim na Marijuana na nagkakahalaga ng PhP2,400,000.00 ang natagpuan ng magkasanib na pangkat ng mga maykapangyarihan kasunod ng pagsugpo ng marijuana operation na isinagawa sa Brgy. Nambaran, Tabuk City. Kasabay nito sa Tinglayan, Kalinga may 10,000 piraso ng ganap na laking tanim na Marijuana na nagkakahalaga ng PhP2,000,000.00 ang natagpuan ng mga otoridad sa Brgy. Tulgao East. Ang lahat na natagpuang tanim na Marijuana ay sinunog mismo sa naturang lugar habang ang ilan sa mga ito ay dinala sa Regional Forensic Unit-Cordillera upang masusing masuri. (RPN-Baguio/Joel Cervantes/Jimmy Bernabe/Source: PRO -COR)