Usa ka giluwatan nga memorandum circular no.2024-105 o ang “Fuel Subsidy Program” alang sa mga tricycle drivers ang gikataho nga ipatuman pinaagi sa buhatan sa Department of Interior and Local Government (DILG).
Kini nga pagpatuman gikan hingtungdan sa tanang mga hepe ehekutibo sa mga lalawigan, dakbayan ug kalungsoran nga naghatag sa gabay alang sa pagpatuman diin adunay mga guidelines ang magsilbing basehan dinha sa pagpang-apod-apod sa maong benepisyo, nagbaton kini sa kinatibuk-ang pondo nga duha ug tunga ka bilyon ka pesos.
Matod pa,ang matag kagamhanang lokal duyog sa suporta sa Local Tricycle Franchising Board mao ang modawat ug mo-consolidate sa mga certification kalabot na sa mga tricycle drivers beneficiaries, human kini kahimo-an sa tukmang beripikasyon sa mga gisubmiter nga inpormasyon.
Ang pagpang-apod-apod sa subsidy ang ipaagi sa E-Wallet (GCash) o Direct Credit ngadto sa Bank Account, o Land Bank of the Philippines over-the-counter withdrawal.
Ang tanang mga Local Tricycle Franchise “HOLDERS / OWNERS/ OPERATORS, (o giilang Franchisee) ang molista sa mga pangalan sa ilang mga tricycle drivers, gamit ang tukmang porma alang niini, uban sa ubang mga gikinahanglang inpormasyon ilawom sa ilang prankisa.
Dugang pa, ang tanang mga lehitimong Tricycle “Franchise Holders/ Owners/ ug Operators” sa pagbisita sa buhatan sa Business Permits and License Division, ning siyudad ug pakigkita ni Ms Michelle P. Cornelio sa Franchising Section.
E-Wallet (GCash) o Direct Credit ngadto sa Bank Account, o Land Bank of the Philippines over-the-counter withdrawal ang paagi pagpang-apod-apod sa subsidy ug kini pagahimoon pinaagi sa Department of Transportation – Land Transportation Franchising and Regulatory Board (DOTr-LTFRB) nga mao ang Processor, pinaagi sa Land Bank of the Philippines. (Medalyn U. Borja)
(Source: Dipolog City Government)