Baguio: Pamahalaang lungsod dinagdagan pa ang bilang ng mga jeepney na nagbibiyahe ng D𝗢𝗡𝗧𝗢𝗚𝗔𝗡 bilang paghahanda sa itatayong 𝗦𝗢𝗨𝗧𝗛𝗕𝗢𝗨𝗡𝗗 𝗧𝗘𝗥𝗠𝗜𝗡𝗔𝗟

Baguio City – Ang bilang ng mga Public Utility Jeepneys (PUJs) na nagbibiyahe ng Dontogan – Baguio  line ay itataas mula sa kasalukuyang bilang na  42 units hangang  66 ng mga yunits. Ito ang isa sa mga pagbabago sa ilalim ng  city’s Local Public Transport Route Plan (LPTRP) bilang paghahanda para sa Baguio City Integrated Terminal (BCIT) project upang tugunan ang pangangailangan ng mga pasahero sa naturang lugar. 

Ayon sa pamahalaang lokal, ang pagdami ng bilang ng mga jeepneys ng Dontogon –Baguio na linya, ay resulta ng pagsasama ng dalawang ruta. Sa mga naturang pagbabago, inaasahan ang pagbigat ng situasyon ng trapiko sa kahabaan ng  Palispis Highway ngunit may kabuhulang kabawasan sa pagsisikip ng trapiko sa loob ng  Central Business District o ng CBD.

Upang mabawasan ang pagbigat ng trapiko sa kahabaan ng  Palispis Highway, ipinanukala ni Acting Assistant City Engr. Richard Lardizabal ang mga alternatibong ruta na ginagamit sa kasagsagan ng rush hours tulad ng  Balacbac Road, Suello Village Road, at ng Sto. Rosario Diversion Road.

Anya ang papapalawak ng Palispis Highway ay kasalukuyang ginagawa upang marami pang mga sasakyan ang makagamit ng naturang daan na inaasahan na makapagbabawas pa ng pagkipot ng trapiko. (RPN-Baguio/Joel Cervantes/Jimmy Bernabe/ source: Pio Baguio)