Hingpit nang gipatuman di lamang diri sa dakbayan sa Dipolog ang makanunayong oagsuot sa face shields sa mga pasaheroan ug buhatan, apan gipatuman kini sa tibuok nasud.
Kini human gipahumangno sa nasyunal nga buhatan sa IATF, aron makontrolar o mapakgang ang paspas nga pagkuyanap sa gikahadlokang Covid-19.
Kahinumduman nga mando usab sa DILG, DOTR, pinaagi sa IATF ang pagbatun ug barrier taliwala sa driver ug angkas niini sa mga motirsiklo, nga gibabagan usab sa daghanang mga motirista sa makapila nga higayon. Gibabagan kini tungod kay nakita sa katawhan, ilabina kadtong nanggimotor lamang ang kahadlok ug disgrasyang dala niini kun ugaling magdagan na ang motorsiklo.
Tungod niini, mipagawas usab ug mga options, aron nga mosaler ang pag gamit ug PPE sa kadalanan.
Mao na kini ang una, pag gamit ug full face helmet nga dunay suot nga mask sa ilalum, alang sa mga drivers ug angkas niini. Ug ikaduhang option mao ang half-face o nutshell helmet, apan naka protective goggles ug nakamask ang driver ug angkas niini.
Tungod kay matud pa sa Provincial HPG kaniadtong Agosto Uno, sa unang adlaw sa paagpatuman sa Nasyunal nga mando kabahin niini, nga ang kinsa man kadtong molapas ug di mosubay sa mandato, dakpon ug paga multahag 5 mil kapesos.
Karon, bisan paman nga duna gihapoy nagpahungay sa ilang mga reklamo kabahin na sa maong bag-ong health ptrotocols da kadalanan, naningkamot gihapon ang katawhan ning dakbayan arin mosanong ug mosubay sa bisan unsa mang health protocols kun ang tumong niini mao ang pagdala ug kaayuhan sa katawhan ug aron di na madugangan pa ang kaso sa mga nagpositibonsa Covid-19 ning lalawigan, nga karong adlawa, duna na lamang usa ka aktibong kaso ang gapabilin.
(OIC Lyza Bautista, RPN DXKD Dipolog)
(Photo courtesy of Dipolog City Government Facebook page)
(Source: Interview with PMaj. Inocencio Jamolod, PHPG Team Leader)
