Usa ka hamubong programa ang napatigayon alang pag instalar sa bag-ong Hepe sa Kapulisan sa Dipolog PNP nga mao si PLTCOL. Edwin D Verzon, nga gipahigayon didto sa Dipolog City Police Station, sa Barangay Sta. Isabel ning dakbayan sa Dipolog, mga alas 9:00 sa buntag, Abril 22, 2024.
Si Zamboanga Del Norte Police Provincial Director, PCOL Rainier P Diaz ang nangulo sa Assumption of Office, kauban sa Philippine National Police ug sa mga Provincial Command officials.
Ang maong programa gisalmotan sa Mayor ning dakbayan sa Dipolog, Mayor Darel Dexter T. Uy kinsa mihatag ug mensahe, ug gisalmotan usab sa Bise Mayor sa dakbayan sa Dipolog, Vice Mayor Senen O Angeles ug sa kasamtangang konsehal Atty. James Cyril Ruiz.
Nunot niini,ang kagamhanang lokal ning syudad pinaagi ni Mayor Darel Dexter T. Uy mipadayag sa iyang suporta alang sa kalamboan ngadto sa mga personahe sa kapulisan kauban sa bag-ong Hepe sa kapulisan ning syudad sa Dipolog naglamo sa kalinaw ug kahapsay sa dakbayan. (Medalyn U. Borja)
(Source: Dipolog City Government)
