Ang lokal na gobierno ng Lungsod ng Baguio sa pakikipagtulungan sa Society of Outstanding Citizens of Baguio ay inaanyayahan ang publiko na magmungkahi ng nominasyons para sa 2024 Search for Outstanding Citizens of Baguio na ang awarding ceremony ay magaganap sa pagdiriwang ng Baguio Day sa Setyembre a uno.
Anumang grupo o indibidual ay maaaring magmungkahi ng sinumang naninirahan sa Lungsod ng Baguio ng hindi kukulangin sa sampung taon at nagbigay karangalan at katanyagan sa pamamagitan ng kanilang tinamong kontribusyon sa kapakanan ng lungsod at ng tiga rito.
Ang nominado ay dapat magsilbing inspirasyon at huwaran sa mga taga Baguio. Ang paghahanap ay sasaklaw sa kategorya tulad ng propesyonal na serbisyo, kalakalan, kultura at sinig at serbisyo sa komunidad.
Ang Nomination forms ay makukuha sa opisina ni Mayor Benjamin Magalong sa pamamagitan ni Samantha Hamada o di kaya ay sa opisina ng PIA-CAR at maaaring i-download sa SOCOB FB Page.
Ang deadline sa pagsumite ay sa Hunyo a 30 ng taong ito sa oras ng alas sinko ng hapon. (Jimmy Bernabe/Joel Cervantes)
(Source: PIO Baguio)
