Davao City – Sa umaabot nga bulan sa Disyembre ning kasamtangang tuig gilauman nga mahuman na ang gibuhat nga bag-ong building nga balhinan sa Davao City Jail. Ang nasangpit nga building nahimutang sa Barangay Wangan, Calinan ning siyudad sa dabaw.
Mahinumduman nga sa milabay nga Biyernes, Setyembre 17, gibisita nila ni DILG Undersecretary for Public Safety, Nestor F. Quinsay Jr., ang bag-ong building aron personal nga makita ang nasangpit nga proyekto. Kauban usab sa pagbisita sila DILG Region XI Director Alex Roldan, BJMP Regional Director JCSupt Isabelo Cartin Jr., ug Davao City Jail Warden JSupt. Peter Bongngat Jr..
Sa higayon nga mahuman na ang konstruksyon sa bag-ong building, ibalhin ang mga Person Deprived of Liberty (PDL) sa Davao City Jail ngadto sa maong lugar.
(Source: Bureau of Jail Management and Penology XI)