- Advertisement -
Gisunog sa wala mailhing mga suspetsado ang backhoe nga gipanag-iya ni kanhi Mayor Lyceister Fetalvero sa lungsod sa Sison.
Ang pagpanunog nahitabo alas 11:00 ang takna sa gabie kagahapong adlawa sa Purok 3, Brgy. San Pablo, Sison.
Sa imbestigasyon ni Police Staff Sergeant Ariel V. Dangate, wala pay miangkon sa pagpanunog gamit ang gasolina. Misibat dayon ang mga suspetsado dihang misilaob na ang kalayo. Ang lugar nga diin nahitabo ang insidente anaa sa 1.5 km ang kalayoon gikan sa Sison Municipal Police Station sa may National Highway.
Hingpit napalong ang kalayo paglabay sa 30 minutos nga pakigkumbati sa Bureau of Fire Protection. (Mark James Lisondra, Ronda 21 RPN DXKS)
- Advertisement -
