Zamboanga del Sur – Patay ang usa ka babaye human kini ang gipusil kagabie, alas 10:55, Hulyo 11, 2021 didto sa Pitogo Zamboanga del Sur.
Ang biktima giila nga si Lanie Teofilo Sabac, 42 anyos, minyo ug lumulopyo sa Purok 5, Barangay Colojo, Pitogo Zamboanga del Sur.
Sa inisyal nga imbestigasyon, anaa lamang sulod sa panimalay king maong biktima partikular sa kusinang bahin diin padulong kini sa kasilyas dihang kalit lamang dunay misulod sa balay niini dayong gipusil ang biktima sa kapilang higayon, gamit ang 45 nga pusil. Lima ka basiyo sa bala ang na rekober sa crime scene.
Nakaangkon ug samad pinusilan sa ulo ug tuong bahin sa abaga ang biktima hinungdan sa hinanali niining kamatayon, samtang ang suspek dali gilayong miikyas padulong sa Sitio Lantawan, Barangay Liguac sa susamang Lungsod.
Padayon pang gipangita sa Pitogo Municipal Police Station ang suspek nga hangtud ning mga orasa, wala pa mailhi. Â (Diocsil Sanico, RPN DXKP Pagadian OIC)