Hisgutanan sa tibouk social media ug uban pang digital media platform ang performance sa pambato sa Cagayan de Oro-Misamis Oriental nga si Cinderella Faye Obeñita sa coronation night sa Bb. Pilipinas 2021 nga gipahigayon sa Smart Araneta Coliseum sa Quezon City, Metro Manila adlaw nga Domingo, Hulyo 11, 2021.
Garbo sa Kagay-anon ug Misamisnon nga midaog ug gikoronahan kini isip Bb. Intercontinental 2021 human nahimong People’s Choice o wild card ug sa katapusan nakasakmit og usa sa mga international crown.
Dihang misulod kini sa Top 13 naghatag kini sa iyang opening statement nga isip tourism operations officer sa lalawigan sa Misamis Oriental nga maoy mo-assister sa mopauli nga katawhan sa lalawigan, nakita niini nga walay hagit o kalisod nga makapugong sa pag kab-ot sa mga damgo sa katawhan.
“As your tourism operations officer who assisted homebound Filipinos during the pandemic, I realized that no virus could kill our individual and collective dreams. There is no insurmountable fear when we fight for our family, community, and country.” matod ni Ms. Cinderella Obeñita sa iyang opening statement.
Human niini, gipakita ni Ms. Obeñita ang iyang fit body sa swimsuit ug maayong pagrampa sa evening gown competition.
Atol sa final Question and Answer round, gipamatud-an ni Ms. Obeñita nga siya angayan koronahan human daghan ang naka-wow ug nakadayeg sa iyang undanon nga tubag sa pangutana ni Michael Cinco: “How important are luxury items like bags, clothes, and jewelry for a woman, when the national economy is down and struggling?”
Tubag ni Ms. Obeñita: In life, we always find ourselves in a crossroad of choices. Women always have a choice- whether to prioritize luxury items while we are facing a pandemic, and we also have a choice to embrace the concept of a New Beautiful, which is responsive to the needs of the times, and adaptive to the change of times. I think I would choose to be that woman, the one who understands the problems of the Philippines, the problems of my community, so that we may be able to uplift each other. I would like to be that kind of woman, to comfort the afflicted and afflict the comfortable.” Matud ni Ms. Obeñita.
Ang iyang kalantip sa salabutan sa pagtubag sa pangutana usa sa hinungdan nganong nahimo kining trending sa mga social media platform sama sa twitter.
Gumikan sa honor, garbo o dungog nga gidala ni Obeñita sa Misamis Oriental ngadto sa national stage labihan ang kalipay ni Gobernador Bambi Emano uban ni Provincial Tourism Head Atty. Jeffrey Saclot sa nakab-ot niini ug pagtuman sa iyang pangandoy ni Gob. Bambi nga maila ang turismo sa lalawigan.
Karon pa daan, nangandam na usab ang kagamhanan sa probinsya sa unsa pa nga suporta nga ihatag sa gikatakdang kompetisyon niini sa Intercontinental nga giingong gitakdang ipahigayon sa nasud sa Egypt.
(Reymark Semaña, PIO)
(Source: Misamis Oriental Provincial Information Office Facebook page)
