Davao City – Kay wa mituman sa health protocols pag sulod NAGTRENDING ang usa ka babayeng hamtong human kini nag-wild og taman kay gibadlong sa pulis, mga sekyu sa usa ka tindahan sa Bangkal Davao City kay wala siya’y suot nga facemask ug face shield.
Ang insidente nahitabo sa Savemore Bangkal, Oktubre 22 sa gabii ning tuig.
Mga nakasaksi sa hitabo napungot sa maong babaye kay nakiglugnot kini sa mga pulis ug sekyu nga mibadlong kaniya nga mopauli na kay wa siya nagsunod sa health protocol.
Miyawyaw ang babaye nga gitulak-tulak daw siya sa pulis nga iyang gikaitok.
Apan depensa mga pulis ug gwardiya nga gibadlong lamang nila ang babaye kay wala kini suot nga facemask nga hugtanong gipatuman sa tanang publikong dapit.
Ang maong babaye daling gidala sa istasyon sa pulis ug didto gihan-ay ang pagpasaka og kaso kontra niya.
Sukad sa pagsuwat ning balita, ang maong babaye naa sud sa selda sa Talomo Police Station.
(OIC Michael Manguhig, RPN DXKT Davao)
