Nais maka-pulong ng mga ASEAN leaders at dialouge partners nito si Pangulong Rodrigo Duterte sa ika -33th ASEAN Leaders Summit sa Singapore sa susunod na linggo.
Ayon kay DFA Asst/Sec. Junever Mahulum – West, ilan sa mga tatalakayin sa naturang pulong ang territorial dispute sa pagitan ng Pilipinas at China sa West Philippine Sea.
Gayunman, sinabi ni West na hindi pa pinal ang listahan kung sinu-sino ang makakausap ng pangulo sa inihihirit na one-on-one meeting.
Maliban sa mga ASEAN Leaders, inaasahan din sa pulong ang top-level delegations ng Estados Unidos, China, Japan, European Union at South Korea.
Kabilang sa mga kumpirmadong dadalo sa ASEAN Summit sina Chinese President Xi Jinping, Russian President Vladimir Putin at Vice President Mike Pence naman ang kakatawan kay US President Donald Trump.
