Malampusong gihimo sa STI College Surigao ang Anti-Suicide and Depression Awareness Campaign.
Sumala ni HON. ANGELOU JESS LAGUS, ang Federated President sa Sangguniang Kabataan (SK) Surigao del Norte ug Ex-Officio Member sa Sangguniang Panlalawigan, nga sa wala’y duha-duha ilang gihimo ang maong aktibidad matag tulunghaan kauban sa iyang team, ug sa provincial government ug Provincial Youth Development Office aron mapakgang ang nagkasunod-sunod nga suicide incidents dinhi sa dakbayan diin kasagaran sa hinungdan mao ang problema sa pag eskuyla, pamilya ug kalisod.
Gidugang ni Lagus, nga ang maong aktibidad ang ikatulo na nilang gihimo, ug mapasalamaton siya sa mga tulunghaan nga mipartisipar sa maong tinguha, ug plano pa niining palapdan ang kampanya ngadto sa mga kalungsuran.
Panawagan sa maong opisyal ngadto sa mga kabatan-onan nga mo-coordinate sila sa awareness campaign alang sa kaayohan sa mga kabatan-onan ilabina sa mga estudyante. (Jun Prex Salubre, Ronda 6 RPN DXKS)