Sa hindi pangkaraniwang pagkakataon, binati ng aktres na si Anne Curtis ang dati nitong home network.
Ito ay may kaugnayan sa kasalukuyang kinabibilangang proyekto ng kapatid ni Anne na si Jasmine Curtis Smith na kasalukuyang nasa bakuran ng Kapuso network.
Sa pag-retweet ni Anne ng bahagi ng video ng special participation ni Jasmine sa bagong Kapuso prime time series na Sahaya, sinabi nitong sobrang proud siya sa mahusay na pagganap ng kapatid.
Watched this highlight video of my Sestra for her performance in Sahaya. Hi, GMA ❤️ More roles like this for my amazing actress of a Sestra. Love you! Napakahusay mo talaga!!!! https://t.co/CU5ZpAJw1K
— Anne Curtis-Smith (@annecurtissmith) March 21, 2019
Kasunod nito binanggit ni Anne ang Kapuso network at hiniling na mabigyan pa sana ng mga magagandang roles si Jasmine tulad ng pagganap nito bilang batang ina ng karakter na Sahaya.
Magugunitang, 2004 nang lumipat si Anne sa Kapamilya matapos ng mahigit anim na taon na pananatili sa Kapuso network.
—-