25.3 C
Manila
Tuesday, February 27, 2024

Aktibong Kaso Sa COVID-19 Misaka Sa 79; DJRMH Pabilin Wala Magdawat Pasyente

- Advertisement -

Misaka sa 79 ka mga aktibong kaso ang dakbayan sa Dapitan samtang ana na sa 41 ka mga kamatayon ang nahitala ug 731 ka mga naka-rekober sa sakit nga COVID-19 diin kini maoy katapusang opisyal nga taho kagahapong adlawa.

Nasayran nga duha sa mga barangay sakop sa syudad ang pabilin nga wala masudli sa sakit nga COVID-19 nga mao ang Aliguay ug Hilltop.

Sa pikas nga bahin, pabilin nga wala magdawat ang Dr. Jose Rizal Memorial Hospital (DJRMH) sa mga pasyente nga wala magsubay sa koordinasyon ug referral sanglit pabilin gihapon nga puno ang tambalanan.

Nahibal-an nga anaa sa 115.38% ang kapasidad sa mga higdaanan alang sa Covid ug anaa usab sa 115% ang kapasidad sa Non-Covid Wards.

Matud pa nga bisan buot sa nasangpit nga tambalanan nga maserbisyuan ang mga katawhan apan gihatagan sa prayoridad ang nagpaabot nga mga pasyente nga naghambin sa sakit nga COVID-19 kinsa nahilandig sa Triage ug Emergency Room.

Gumikan niini, giawhagan ang publiko sa pagpangita og laing pasilidad nga modawat sa Covid-19 sulod sa probinsya sa Zamboanga del Norte.

Gihangyo usab nga mokoordinar alang sa referrals sa Rural Health Units (RHU) o City Health Office (CHO) ug Provincial One Hospital Command Center (POHCC).

Dugang pa nga sugod sa Oktubre 1 hangtud petsa 7 ning bulan ang mga maserbisyuan kadtong mga adunay  emerhensiya nga kaso apan COVID-19; makahimo sa pag-opera sa mga General Surgery, Orthopedics, ug Gynecology); ug alang sa Obstetric (OB) mga kaso alang sa mga pamaagi sa pag-opera magabase kini sa pagsubay sa nag-atendir nga doktor.

Subay niining taho, padayon ang pahimangno sa mga katawhan nga sundon ang sumbanan sa health protocols.

(Source: CITY INFORMATION DIVISION-CID-Dapitan Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -