Radio Philippines Network
DYKC Cebu News Provincial News

Aksidente Sa Motorsiklo Sa Cebu City Mipatay Og Upat Ka Sakop Sa Pamilya

Cebu City  – Wala na makapauling buhi sa ilang balay sa Sitio Lower Busay, Brgy. Busay,  Sugbo, Cebu City ang upat ka sakop sa pamilyang Salon.

Kini tungod kay sakay sila sa motorsiklo nga naaksidente sa Transcentral Highway sa Sitio Hoyohoy, sa samang barangay nianang Domingo sa alas 5:30 sa hapon, Enero 3, 2021.

Nailhan ang mga nakalas nga si Alona Salon, 47, ug mga anak nga sila si Jason, 23; Erica, 16; ug Jay, 12 anyos.

Nasayran nga ang mga biktima luwan sa motorsiklo nga gimaneho ni Jason.

Segun sa report sa kapolisan sa Mabolo, gideklarar sa mga medics nga patay dihadiha si Jay samtang si Alona ug anak nga si Erica namatay paglabay sa pipila ka oras sud sa CCMC o Cebu City Medical Center.

Gani ang bana ug amahan sa mga biktima nga si Ernesto Salon midangop sa media aron pagkompirmar nga si Jason namatay pod nianang alas 6 sabuntag.

Gisaysay ni Ernesto sa mga tigbalita nga nagpaingon na unta sa ilang balay gikang naglulinghayaw sa resort sa Brgy. Babag, Cebu City.

Base sa report sa PNP, diha na unta ang motorcycle sa mga biktima sa Sitio Hoyohoy dihang nadumbolan sa pick-up truck nga kusog nagdagan sa ilang likod.

Ang nagmaneho sa trak nga si Whelmir Embudo, 40, gi-custody pa sa kapolisan.

Nangatarongan si Embudo nga nawad-an og brake ang pick-up truck samtang nagdulhog.
(Jhon Tadlip/JTY)

(Source & photo courtesy of CDRRMO – Cebu City)

Related posts

BAHA SA CdeO SOLUSYONAN

RPN News

Philippine Military Academy Adopts New Normal In 2020 Cadet Recruitment

RPN

25th IB People’s Organizations, Officially A Beneficiary Of PADRE Program Of LGU New Corella

RPN