Radio Philippines Network
DXKD Dipolog News Provincial News

Libreng Mass Wedding Ug Delayed Birth Registration Ipahigayon

Gitakdang ipahigayon na usab ang tinuig nga “Twogether Forever” Mass Wedding karung umaabot Pebrero 12, ning tuiga didto sa Zamboanga del Norte Convention and Sports Center ning dakbayan nga magsugod sa may alas-10:00 ang takna sa buntag. Ang maong kalihokan ang gipahigayon aron mabolok sa pagsaulog sa selebrasyon sa Civil Registration Month karung bulan sa Pebrero nga gipangunahan sa buhatan sa City Civil Registrar ning dakbayan.

Kahibaloan nga kadto lamang mga kwalipikadong indibidwal ang mahimong makapahimulos sa maong libreng serbisyo pinaagi sa pagsumite sa ilang aplikasyon uban sa tukmang mga requirements sama sa Birth Certificate ug Certificate of No Marriage kon CENOMAR. Ang maong seremonyas sa kasal ang pagadumalahon sa halangdong mayor ning dakbayan, Hon. Darel Dexter T. Uy. Ang mga gikinahanglang papeles ang mahimong isumite sa, o wala pa ang Pebrero 01, 2021.

Subay usab sa pagsaulog sa Civil Registration Month Celebration, ipahigayon usab ang libreng Delayed Birth Registration alang sa mga lumulupyo sa dakbayan, bata man o hamtong, kinsa wala pa narehistro sukad sa ilang pagkatawo ug buot magparehistro karong umaabot Pebrero 22 ning tuiga didto sa buhatan sa City Civil Registrar ning dakbayan.

Ang hingtungdan nagtinguha nga mopahimolos ning maong libreng kalihokan, ang gi-awhagan sa pagsumite og “proof of birth” ngadto sa nahisgotang buhatan.

Alang sa dugang kasayuran, mahimong mobisita o motawag lang sa maong opisina pinaagi sa ilang landline number sa (065) 212-3663. (City Information Office-jnp)

Related posts

Bise Mayor Julito Flores Milingkod Na Pagka Acting Mayor Sa Barili, Mga Kawani Gipasaligan Nga Masuweldohan

RPN

National IATF: Not Recommending City Wide Lockdown

RPN

Hotlines Sa Dinagat Islands Para Sa Mga Stranded Sa Lain Laing Lugar

RPN