Radio Philippines Network
DZRL Batac News Provincial News

Agad-Adal Idiay Pagudpud, Kaunaan A Naipaayan Ti Tablet A Tulong Ti Probinsia Iti Panagadalda

Naipaayen dagiti tablet nga inpaay ti gobierno probinsial para kadagiti immuna a nagagasat nga agad-adal ditoy probinsia.

Immune a nagturong dagiti pannakabagi ti provincial education office idiay ili a Pagudpud kangrunaan idiay Luzong National High School ken idiay Pasaleng National High School.

Segun kenni Dr. Dany Daquioag, education consultant ni Gob. Matthew Marcos Manotoc, sangapulo ket maysa nga agad-adal idiay Luzong National High School ken siam idiay Pasaleng National High school ti naipaayan kadagiti nadakamat a tablet.

Mainaig iti daytoy, agpapada dagiti principal, mangisursuro, nagannak ken dagiti agad-adal a nangipadanon ti napalaus a panagyamanda iti gobernador.

Imbatadda a nakadakdakkel a tulong ti panangikalikagum ti gobernador a matulungan dagiti agad-adal baben ti panagkiddawna ti tulong dagiti nadumaduma a grupo tapnu adda ti mausar dagiti agad-adal iti pannakapatungpal ti baro a Sistema ti edukasion ti ‘’distance learning’’.

Inlawlawag ni Dr. Gladys Acoba, Principal ti Luzong National High School a kaaddoan kadagiti naipaayan ti tablet dagiti adayo ti pagtaenganda iti eskuelada.

Inbunannagna a babaen iti daytoy ket mabalinen nga iprogram dagiti mangisursuro dagiti modules da ket uray saanen a mapan dagitoy iti pagadalan ken i-send lattan dagiti estudiante iti babaen ti online dagiti sungbatda.

Impatalged met dagiti agad-adal a saanda a sayangen ti tulong nga inpaay ti gobernador kadakuada babaen iti panangigaedda iti panagadalda.

Inkarida nga ilalaen ken saluadanda dagiti tablet nga inpaay ti probinsia kadakuada.
(Ronald Domingo, RPN DZRL Batac)        

(Source: Provincial Government of Ilocos Norte)

Related posts

City Council Asks Utility Firms To Suspend Disconnections

RPN

Known Drug Personality Arrested In Iligan City, Drugs And Firearms Seized

RPN

COVID-19 Survivor Nagpasalamat Sa Sarangani Provincial Hospital

RPN