AFP handang makipagtulungan sa gobyerno kaugnay sa umano’y Chinese ‘threat’ sa NGCP

Handa ang Armed Forces of the Philippines (AFP) na makipagtulungan sa mga ahensiya ng gobyerno hinggil sa ulat na kayang paralisahin ng China ang power grid ng Pilipinas.

Ito ay matapos mapaulat na 40% pagmamay-ari ng China ang National Grid Corporation Of The Philippines (NGCP).

Ayon kay AFP Spokesman Brig. Gen. Edgard Arevalo, bagamat nasa kamay ng NGCP at National Power Corporation (NPC) ang naturang isyu ay maaring manghimasok dito lalo na’t posibleng nakataya ang seguridad ng bansa.

Sa ngayon, pormal naman nang pina-iimbestigahan ni Senadora Risa Hontiveros sa Senado ang naturang usapin.